Che vò dé “NuStrane”?

A la spécce vò dé: secóre e che fa bbè.

“Nustrane”, val’a dé de lu paèse nustre, signefeche pèsce de qualetà e genuine, ch’à state pescate jècche a nóje e nen à passate pe’ troppe ma’. Lu pèsce jè vennóte respettènne l’ambiente che tè cónte nen sòle de j ummene ma póre de le staggiò. Lu pèsce nustrane, pescate jècche a lu mare Adriateche da i mutóre nustre de Sammenedètte, jè

nu magnà naturale, proprie coma natóre l’à fatte (biuloggiche), senza mbestóre pe’ fallu cunservà, perchè la cuuperative nòstre vò cunsumà e fa’ cunsumà a la ggente lu pesce fresche de lu mare nustre. La freschèzze jè secóre perchè lu pèsce vè sbarcate appène pescate, e nen à state messe dèntre i frigurifere. Nen passe ppió de 8/10 òre da quanne lu pèsce sbarcate da lu mutóre arréve só lu tevelè pe’ èsse magnate.

L’esperienza nostre, che vè fòre da ppió de vent’anne de mestîre, la mettème a despusiziò de la ggènte, pe’ fa’ cunòsce tótte le specialetà de lu mare nustre, nzîme a chèlle che uje nen jè ppió tante calculate ma che a lu magnà j dà ôste e ppù fa bbè prassà. Defennème i sapóre de la cucéne marenare de ‘na vòte!

Noje badème a la qualetà de lu prudotte ma póre a la qualetà de lu servézie: l’urdenaziò la ricève ggènte de mestîre che sa dà’ cunseje e póre cacche ricette. ‘Na vòte ricevóte le urdenaziò, ci pensème noje ppù a cumprà lu pèsce appène i mutóre revè qua ‘n terre, e jè de secóre pèsce fresche fresche!

Lu pèsce vè sóbbete ‘mpacchettate nghe lu jacce nustre e cunsegnate pe’ le case la maténa stèsse. Pe’ chi lu vò, petème fa’ pelé lu pèsce da ma’ ‘sperte che se ne ‘ndènne.